Marcos Antonio dos Santos Reigota

Intervirá no Congreso dentro do diálogo "Medio ambiente, globalización e alterglobalización" xunto con Carlos Taibo e João Paraskeva.

Graduado en Bioloxía pola Facultade de Filosofía, Ciencias e Letras Farias Brito (1981), cursou os créditos de mestrado en Filosofía da Educación na PUC-PS. Realizou o doutorado en Educación na Universidade Católica de Louvain e post-doutoramento na Universidade de Xinebra. É membro honorario da Academia Nacional de Educación Ambiental de México, fundador e coordinador do "Simposio Fundamentos da Educación Ambiental", no Ceisal - Consejo Europeo de Investigaciones Sociales de América Latina (Bruxelas, 2007), Desde 1998 é profesor titular do PPG en Educación da Universidade de Sorocaba (Brasil) e desde 2004 é profesor colaborador do PPG en Xeografía da UFRGS. Ten experiencia na área de Educación, con énfase na Educación Ambiental, participando principalmente nos seguintes temas: Educación ambiental e cotidiana escolar e representacións sociais e estudos culturais.